أحبج يا إماراتي ..
ياعشقي يا إماراتي ..
ياروحي يا إماراتي ..
بلادي يا الإمارات ..

يا داري لو اكتب في حبج دواوين
والله ماسدّت لغــــــلاج العبـــــارات
من عشقي لج ودي أطوف البلادين
و اقول أنا يا ناس أحــب الإمارات

انتي غرام الروح انتي ضيـــا العين
وانتي اللي حبـــج يقاس بمسافـــــات
بقول أحبــــــــج من وسط هالشرايين
يلين آخــــــــر كوكب فـ المـــــــدارات

أحبج يا إماراتي ..
ياعشقي يا إماراتي ..
ياروحي يا إماراتي ..
بلادي يا الإمارات ..

في حضنج ألقى للسعــــــــاده عناوين
وبشوفج انسى هم عمري و الآهـات
وان كان في صدري بدل القلب قلبين
بحبـــــــــــــج لآخر نفس يلمس الذات

لو تسألين الروح عن منزلج ويــــــن
والله لا تتزاحم علي الإجابـــــــــــــات
هيهات أحب غيرج ولو عشت عمرين
ما اعشق سواج انتي في دنياي هيهات

أحبج يا إماراتي ..
ياعشقي يا إماراتي ..
ياروحي يا إماراتي ..
بلادي يا الإمارات ..

منج العطايا والجمايـــل علي ديــــــن
صعبا أرده حتى لو عشــــــت مرات
مهما عطيتج ما وفيتج و تدريـــــــــن
عمر البحر ما زادته بعض القطـرات

شكراً يا دار الخير و المجد و الزيـن
يا شيخـــــــــة الدنيا و نور المجرات
ياللي في حبج ما أقول إلا آميـــــــــن
يحفظج ربي عالية يا الإمــــــــــارات
أحبج يا إماراتي ..
ياعشقي يا إماراتي ..
ياروحي يا إماراتي ..
بلادي يا الإمارات ..